У зборнік увайшлі паданні, запісаныя сябрамі краязнаўчага гуртка "Нашчадкі" Слабадской сярэдняй школы Лепельскага р-на падчас палявых даследаванняў у навакольных вёсках Слабадскога сельсавета Лепельскага раёна, а таксама іншых населеных пунктах, дзе давялося пабываць "Нашчадкам" падчас краязнаўчых экспедыцый.

Збор народных легендаў і паданняў, запісаных сябрамі гуртка "Нашчадкі" пад кіраўніцтвам В. Тухты, з’яўляецца яскравым прыкладам неабыякавасці да гісторыі сваёй малой радзімы, і ўяўляе значную вартасць як у справе патрыятычнага выхавання моладзі, так і ў навуковым вымярэнні, бо палявыя матэрыялы, зафіксаваныя гуртком, узбагачаюць айчынную этнаграфію і фалькларыстыку.