Сада изды кьухьды дид йыхьыри дама. Усбыр гьатӏур, дамаа гъаъ ахъаӏчӏус хьур ад, минийис гьалды иди джухда гакъад улабыр гьагуд кал йишири. Джанда гичӏ ибхьур, гъилабыр йукьаӏ йишир, джилик киджидхъыд кал йишир, гергыри. Гудже — гудж выдж меджбыр гьыъыр, хъуъ сукуд: ула кушуба йиъине ки, минийис са эйбеджер са кар гьувгури. Ми кьуӏнды гъилы лувзур ай, хьесымаа са ээкед, тарелка духъунды ул ки гъай, гӏаӏля гъаъ са ирды миз ки сивир ай, убрабырмыд еринди — нур вылцӏад фанарбыр, джан-лакара ки, рапара нур вылцӏара ай. Видж ки гьаЬыр виъий ливчис.

Кьухьды диде дугьаШыр кьыле гьаъара каӏчӏури, куьмег джугъуӏре гьагуйне, чӏир йишир, лукури. Лубкуди, убрабырмыс ун йишири:

— Маа ми дама къадам лихъмерихь!

Выдж джуу хъиркьыйне, миди вышне гимадиший, амма кьуле ирхьури кьухьды дид, ми дам йыхды касашды дам йиъид, ми ухуӏре ад шей — Кашкафтар виъий.