У аднаго бацькі быў сын: які любіў дужа музыку. Бацьку купіў яму скрыпку. Сын граў на её дзень і ноч, не даючы спакою.

Аднойчы бацька зазлаваўся і кажа:

— Ідзі лепей грай у рэй^*!

Сын паслухаў і пайшоў. Граў тамака адну ноч, другую. На трэцюю ноч прыйшла нейкая дзяўчына і пачала скакаць пад яго музыку.

— Дзе ты жывеш? — запытаў музыка.

— Тутака ж, — яна адказала. — Калі возьмеш бутэльку гарэлкі, дык падняўшы салому зойдзем да мяне. Без гарэлкі бацька ня пусце ў хату.

Хлопец дастаў гарэлкі і, падняўшы салому, па сходнях зыйшоў у прыгожую хату. Пасярод хаты стаяў стол, на якім сядзела дзяўчына і шыла. У куту была вялікая печка, на ей спаў чорт з рагамі і хвастом.

— Зачым ты прыйшоў? — запытвае чорт.

— Прыйшоў у сваты да тваёй дачкі, ці аддасі ты яе за мяне? — смела адказвае хлопец.

— А ты маеш гарэлку? — пытае чорт. Хлопец падаў гарэлку.